"Бэрэн" группт давуу байдал олгосон АН-ын дэд дарга асан Ч.Отгочулууг гэм буруугүй гэв

Хөгжлийн банкны гэх хэрэгт нийт 80 хүнийг холбогдуулан шүүж 32 хүнийг гэм буруугүй гэж үзсэний нэг нь Хөгжлийн банкны ТУЗ-ын гишүүн асан Ч.Отгочулуу байсан юм. Түүнийг Хөгжлийн банкны ТУЗ-ийн гишүүнээр ажиллаж байхдаа "Бэрэн" группт давуу байдал олгон, арматурын төсөлд 22.7 сая ам.долларын зээл олгож Хөгжлийн банкинд 44 тэрбум төгрөгийн хохирол учруулсан хэрэгт холбогдуулан шалгасан юм. Мөн уг хэрэгт ХҮН намын дарга асан Б.Найдалаа, Монголбанкны ерөнхийлөгч Б.Лхагвасүрэн нарыг холбогдуулан шалгасан байдаг. Тэгвэл шүүхээс тэдний гэмт хэрэг үйлдсэн нь нотлогдож тогтоогдоогүй тул гэм буруугүй гэж үзэж, холбогдох хэргийг хэрэгсэхгүй болголоо.