Хохирогч: Гэрээсээ гараад гэгээрнэ, бурхан багшийн амьдардаг газар гээд Ганданд ирсэн

Гандантэгчэнлин хийдэд шавилан суудаг бага насны хүүхдүүд буюу 9-13 насны гурван хүү бэлгийн хүчирхийлэлд өртсөн тухай мэдээлэл бий. 

Тухайн гурван хүүхдийн нэг нь манайд ярилцлага өгсөн юм. Хохирогч хүү ярилцлагадаа "Би өнгөрөгч дөрөвдүгээр сард Гандантэгчэнлин хийдийн ламхай нарын дотуур байранд ирсэн. Бурхан багшийн тухай кино үзэж улмаар гэрээсээ хол явж гэгээрэх юм байна хэмээн бодож хийдэд шавилан суухаар ирсэн ч үнэхээр муухай газар байсан. Гэхдээ би Ганданг муулаагүй шүү. Тэнд байгаа ах нар болох 15-16 насны хүүхдүүдийг л явуулмаар байна. Энэ бүх муухай байдлыг үгүй болоосой гэж маш ихээр хүсэж байгаа учир болсон хэрэг явдлыг ярихаас өөр арга байхгүй. Энэ бүгдийг илчилж өгсөн ээждээ маш их баярлаж байгаа шүү" хэмээсэн юм.