''Титаник''-ийг зорьсон таван аялагч нас баржээ

Титаник хөлгийг үзэх аялалд хүмүүсийг тээвэрлэж явсан шумбагч хөлөг Даваа гарагт сураггүй алга болсон. Харамсалтай нь өнөөдөр хөлгийн аялагчдын цогцос олджээ. Хөлгийн багт "OceanGate" компанийн гүйцэтгэх захирал Стоктон Раш, Британи, Пакистан гаралтай бизнес эрхлэгч Шахзада Давуд, түүний хүү, 19 настай Сулеман, Британийн бизнес эрхлэгч Хэмиш Хардинг, Францын тэнгисийн флотын шумбагч агсан, нэрт аялагч Пол-Хенри Наргеолет нар багтжээ. Тэрээр хөлгийг жолоодож явсан байна.
Сүйрлийн шалтгаан одоогийн байдлаар тодорхойгүй байгаа ч АНУ-ын Эргийн хамгаалалтын алба Титан шумбагч онгоц эргээс холбоо тасарсны дараахан дэлбэрэлттэй төстэй чимээ гарсан тул дэлбэрэлтийн улмаас хөлөг сүйрсэн байх магадлалтай гэж үзэж байгаа юм. Титаник хөлгийн живсэн эх биеийг үзэх энэхүү аяллын нэг суудлын үнэ 250 000$ үнэтэй байсан юм.

"Титаник" хөлөг анхны аяндаа гараад живсэн бөгөөд ослын улмаас нас барсан хүмүүсийн тоо 1517-д хүрч, дэлхийн далайн аяллын түүхэнд хамгийн эмгэнэлтэй сургамжийн нэг болж байсан юм.