Д.Амарбаясгалан: Орон нутагт орон сууц барихад татвар, хураамжийг 50 хүртэл хувиар хөнгөлнө

Дархан-Уул аймагт болж буй “Маргаашийн хот” форумд ЗГХЭГ-ын дарга П.Амарбаясгалан оролцож байна. ЗГ-аас хэрэгжүүлж буй Шинэ сэргэлтийн бодлогод Хот, хөдөөгийн сэргэлтийн хүрээнд төвлөрлийг багасгаж, орон нутгийг хөгжүүлэхээр тусгасан. Тиймээс ЗГ-аас орон нутагт ажиллаж байгаа төрийн албан хаагчдын цалинг 20-100 хувиар нэмэгдүүлж, орон нутагт орон сууцны ипотекийн зээлийн хүүг 3 хувь болгосон.
Одоогоор Өмнөговь, Дорноговь, Дорнод, Сэлэнгэ, Дархан, Орхон гэсэн 6 аймаг төсөв санхүүгийн хувьд бие даасан байдалтай байна. Бусад аймгууд улсын төсвөөс хараат байдал нь аймаг орон нутагтаа тулгамдсан асуудлаа шийдвэрлэхэд хүндрэлтэй байдаг учраас цаашид ААН-үүд орон нутагт үйл ажиллагаа явуулахад дэмжлэг үзүүлэх, татварын хөнгөлөлт зэрэг бодитой алхмуудыг хэрэгжүүлэхээр ажиллаж байгааг ЗГХЭГ-ын дарга П.Амарбаясгалан хэллээ. Орон нутагт орон сууц барихад татвар, хураамжийг 50 хүртэл хувиар хөнгөлнө.