ЖДҮХС-аас 96,7 тэрбум төгрөгийн зээлийн хүсэлт бүхий 655 аж ахуйн нэгж төслөө баталгаажуулжээ

Н.Мижидмаа

2023/06/21

Засгийн газрын 2020 оны 113 дугаар тогтоолоор батлагдсан “Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам” болон ХХААХҮ-ийн Сайдын 2023 оны 02 дугаар сарын 02-ны өдрийн А/37 дугаар тушаалаар батлагдсан хөнгөлөлттэй зээл олгох Ерөнхий нөхцөл, салбар, чиглэлийн дагуу жижиг, дунд үйлдвэр, үйлчилгээ эрхлэгчийн төслийг хүлээн авах үйл ажиллагааг 2023 оны 02 дугаар сарын 09-өөс 2023 оны 03 дугаар сарын 10-ны 24:00 цаг хүртэл 30 хоногийн хугацаанд хүлээн авч, цахим системд нийт 96,7 тэрбум төгрөгийн зээлийн хүсэлт бүхий 655 аж ахуйн нэгж төслөө баталгаажуулсан байна.

Үүнээс Улаанбаатар хотод 38,3 тэрбум төгрөгийн 192 төсөл ирснээс сонгон шалгаруулалтын сүүлийн шат буюу хорооны хурлын шатанд 8,6 тэрбум төгрөгийн 43 төсөл тэнцээд байна.

Төсөл ирүүлсэн салбарын ангилал

№	*Зээл олгох салбараар*	*Төслийн тоо*	*Хүсч буй зээлийн хэмжээ*
1.	Сүү, сүүн бүтээгдэхүүн боловсруулах	0	-
2.	Мах, махан бүтээгдэхүүний боловсруулах үйлдвэр	4	1,050,255,400
3.	Төмс, хүнсний ногоо, жимс жимсгэнэ боловсруулах	1	100,000,000
4.	Хүнсний зориулалтын сав баглаа, боодлын үйлдвэр	7	1,761,623,240
5.	Хүлэмжийн аж ахуй- Мод, жимс, хүнсний ногооны үр үрслэгээ, /Тэрбум мод хөдөлгөөн/	6	1,192,028,500
6.	Хүнсний зоорь, агуулах	10	2,446,331,107
7.	Оёмол бүтээгдэхүүн	8	856,465,960
8.	Арьс ширэн бүтээгдэхүүн	1	127,020,000
9.	Гоо сайхны бүтээгдэхүүн	2	205,000,000
10.	Гахай,шувуу, зөгийн аж ахуй	2	393,568,700
11.	Эрчимжсэн мал аж ахуй	1	199,000,000
12.	Мал эмнэлгийн үйлчилгээ	1	286,600,000
	*Нийт дүн*	43	8,617,892,907

Эдгээр төслүүдэд зээл олгох эсэх эцсийн шийдвэрийг төсөл сонгон шалгаруулах хороо (ТСШХ)-ны хурлаар хэлэлцэж, шийдвэрлэдэг.

ТСШХ-ны бүрэлдэхүүнд төрийн бус байгууллагын 4 төлөөлөл, төрийн байгууллагын 3 төлөөлөл нийт 7 гишүүн багтдаг.

Хорооны хуралд төсөл хэрэгжүүлэгч нь төслөө өөрөө танилцуулж, хамгаалах ба сонгон шалгаруулалтын шат бүрээс авсан онооноос хамааран хөнгөлөлттэй зээлд хамрагдах боломж бүрдэх юм.

ЖИЖИГ, ДУНД ҮЙЛДВЭРИЙН ГАЗАР-ЗЭЭЛ, ТӨСЛИЙН ХЭЛТЭС

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна