ЦЕГ: Л.Чинбатад эрүүгийн хэрэг үүсгэн гадуур байцааж байгаа гэдгээс өөр мэдээлэл өгөх боломжгүй

 "Гацуурт "компанийн захирал Л.Чинбат Сэлэнгэ аймагт малын бэлчээрт малчдыг машинаараа хөөж буй бичлэг өнгөрсөн пүрэв гарагт олон нийтэд ил болсон. Түүний дараа Л.Чинбат нь малчдыг малын хулгайч гэж гүтгэсэн гэх мэдээлэл цацагдсан. Энэ асуудлаар манай сурвалжлах баг Сэлэнгэ аймгийн Цагааннуур, Зүүнбүрэн суманд ажилласан. Тус компанийн ажилчдын зүгээс Л.Чинбатыг ОХУ-ыг  хоёр хоногийн хугацаатай явсан гэх мэдээллийг өгөөд байгаа. Л.Чинбат Монголд байгаа юу? түүнд хэрэг үүсгэн шалгаж байгаа эсэхийг цагдаагийн байгууллагаас тодрууллаа.