Ц.Амгаланбаатар: Тагнуулынхан чи С.Зоригийг алсан гэж хэл, Хүүхдийг чинь ална шүү гэдэг байсан

ХЭҮК-оос хоригдол Ц.Амгаланбаатартай холбоотой асуудлаар мэдээлэл хийлээ. Мэдээллийн эхэнд ялтан Ц.Амгаланбаатарын ХЭҮК-оос хамгаалалт хүссэн бичлэгийг хүргэлээ. 

Ц.Амгаланбаатарын зүгээс "Миний бие 1982 онд Эрдэнэт хотод төрсөн. 2004 онд таксины жолоочийн амь насыг бүлэглэн хөнөөсөн хэргээр 25 жилийн ял авсан. 25 жил одоогоор 20 жил болсон.

Ялаа эдлээд явж байх хугацаанд 2013 онд С.Зоригийн гэх хилс хэрэгт холбогдсон. Анх 2013 оны долдугаар сарын 18-ны өдөр Тагнуулынхан ирж "Чи С.Зоригийг алсан гэж хэл" гэж намайг дарамталж эхэлсэн. Би "Үгүй" гэсэн. Тэгээд зөндөө асуудалд унасан. "Хүүхдийг чинь ингэж ална шүү" гэдэг байсан.  2013 оны 11 дүгээр сар гэнэт миний хуучин эхнэр хүү хоёрыг маань дамжин дээр аваад ирсэн. Авчрангуутаа уулзуулаад гэр бүлийн зураг энэ тэр авч өгсөн. Дараа хүү маань ЭХЭМҮТ-д хэвтэж байхад зургийг нь үзүүлээд "Хүүгийн чинь дусал руу юм шахаад реакц өгсөн гээд алчих уу? Чи С.Зоригийн хэргээр тууштай явах юм уу" гэдэг шахалт, дарамт үзүүлсэн. Дараа нь эмэгтэй дүүгийн ажлаа тараад явж байгаа бичлэгийг нь үзүүлээд "Дүү охиныг чинь хэдэн залуучууд хээр очоод хүчиндээд, гясалдаа шиг шингэнээр мэдэгдэхгүй болгочихвол яах вэ? Чи С.Зоригийн хэргийг хүлээгээд цааш явах уу"гэдэг ийм асуудал тулгаж байсан.