ГХЯ: БНСУ-д байрлах хаяг, аяллын зорилгоо үнэн зөв мэдүүлж чадаагүйгээс буцаж байна

БНСУ-ын Инчоны олон улсын нисэх онгоцны буудлаас манай улсын зарим иргэдийг хилээр нэвтрүүлээгүй асуудлаар Цагаачлалын албанаас тодруулга авахад "Хилийн шалган нэвтрүүлэх байцаагчид тэдгээр иргэнтэй нэг бүрчлэн ганцаарчилсан уулзалт хийдэг бөгөөд тухайн иргэн нь Солонгос Улсад байрлах хаяг, аяллын зорилгоо /Зочид буудал, гэрийн хаяг гэх мэт/ товч тодорхой үнэн зөв мэдүүлж чаддаггүйгээс үүдэн хилээр нэвтрүүлэхээс татгалзах тохиолдол нэмэгдэж байна. Мөн өмнө нь БНСУ-д оршин суух хугацаандаа визийн хугацаа хэтрүүлэх болон бусад зөрчил гаргаж байсан иргэдийг хил дээрээс буцаах явдал гарч байна. Тиймээс БНСУ-руу зорчиж байгаа иргэдэд анхааруулга хүргэж байна.

БНСУ дах ЭСЯ-ны зүгээс Инчоны хилийн шалган нэвтрүүлэх байгууллагатай тогтмол харилцаатай ажиллаж асуудлыг тухай бүр тодруулж ажиллаж байна" гэлээ.