​ Х.Булгантуяа өөрийг нь хоёр, гурван хэлтэйд нь атаархлаа гэж эмэгтэй гишүүддээ агсамнажээ

“Намайг сошиалаар харлуулах хэдэн зуун саяын аян эхэлсэн гэнэ. Би ч их үнэтэй хүн юм аа” хэмээн өчигдөр өөрийн цахим хуудсандаа бичсэн сайд Х.Булгантуяа үргэлжлүүлэн эмэгтэй гишүүддээ агсамнажээ. Тэрээр “Намайг хоёр, гурван хэлтэйд эмэгтэй гишүүд атаархлаа” гэж шуугиан тарьсан гэнэ. Сайд Х.Булгантуяа өчигдөр/2023.06.14/ цацагдсан “Parliament Talk” нэвтрүүлэгт орох үеэрээ “...Монгол улс үнэт зүйлгүй. Улсаараа бие биенээ шоронд хийх нь бидний үнэт зүйл юм уу” гэж нүүрсний хэрэг холбогдсон хүмүүсийг өмөөрсөн утга бүхий зүйл ярьсан нь олны шүүмжлэлд өртөж, олон нийтийн зүгээс түүнийг буруушаасан юм. Ийнхүү олон нийт түүнийг буруушаасанд тэрээр эгдүүцэж, “Намайг сошиалаар харлуулах хэдэн зуун саяын аян эхэлсэн гэнэ. Би ч их үнэтэй хүн юм аа” гэж цахим хуудсандаа бичээд үргэлжлүүлэн эмэгтэй гишүүдрүүгээ дайрсан бололтой.