Д.Амарбаясгалан: Дэлхийн топ их сургуульд тэнцсэн, зээл авах оюутнуудыг шинэ системээр дахин шалгана

Засгийн газрын ээлжит хуралдааны шийдвэрийг танилцуулж байна. 

 ЗГХЭГ-ын дарга Д.Амарбаясгалан: Зээлээ төлөөгүй, тэтгэлэг авсан ч сургуулиа төгсөөгүй гэх мэт зөрчилтэй 270 орчим суралцагчийн мэдээлэл байгаа ба үүнийг нягтлаад ямар ч зөрчилгүй хүмүүсийн нэр төрийг цэвэрлэх, харин зөрчилтэй хүмүүсийг хууль хяналтын байгууллага шалгаж, хариуцлага хүлээнэ. Журмыг илүү тодорхой болгосноор зээлийн төлөлт илүү ойлгомжтой, тодорхой болно. БЗС-аас гадна "Эрдэнэт үйлдвэр" ТӨҮГ, Иргэний нисэхийн ерөнхий газар, АМГТГ зэрэг байгууллага тус тусдаа зээл, тэтгэлэг олгодог байсныг болиулах шийдвэр гарлаа. Тодруулбал, БЗС-аас зээл тэтгэлэг олгох талаар БШУ-ны сайдад нэг сарын хугацаатай үүрэг өгсөн.