Хэнтий аймгийн Бэрх сумын хүнсний дэлгүүрийн зооринд хоёр хүн нас баржээ

Хэнтий аймгийн Бэрх сумын "Бэрх Тоонот" хүнсний дэлгүүрийн Жимс, ногоо хадгалах зооринд хоёр хүн хордож нас барсан гэх мэдээлэл байгаа юм. Бид уг мэдээллийг Хэнтий аймгийн Онцгой байдлын газрын орлогч даргаас тодруулахад дараах мэдээллийг өглөө.

Хэнтий аймгийн Бэрх сумын "Бэрх Тоонот" хүнсний дэлгүүрийн зооринд 27-30 насны хоёр хүн нас барсан. Уг дуудлага мэдээлэл Зургадугаар сарын 3-ны өдрийн 12 цаг 17 минут бүртгэгдсэн. Одоогоор хордож нас барсан эсэх эцсийн дүгнэлт тодорхой болоогүй. Уг хэрэг дээр Хөдөлмөр нийгмийн хамгааллын яам, Хөдөлмөр халамж үйлчилгээний ерөнхий газар, Онцгой байдлын ерөнхий газар зэрэг байгууллагуудын ажлын хэсэг ирж ажилласан. Ажлын хэсгийн эцсийн дүгнэлт гараагүй гэх мэдээлэл өглөө.