Ц.Зэс-Эрдэнэ: Намайг амьдруулж өгсөн “дутуу нярайн тасаг”-т талархаж явдаг учир өөрийн цуглуулсан мөнгөөрөө тус болох гэж байгаа

Зэс-Эрдэнэ 1993 оны 6-р сарын 17-нд ЭХЭМҮТ-ийн дутуу нярайн тасагт ихрийнхээ хамт мэндэлсэн. Харамсалтай нь эрэгтэй ихэр нь мэндлээд хэдхэн хоноод өөд болсон. Анх түүнийг төрөхөд ч амьдрах магадлал бага гэж эмч нар хэлж байсан ч “хүн болсон” хэмээн ярина. “Надад амьдрал бэлэглэсэн эх нялхасын эмнэлэгтээ талархснаа илэрхийлж 30 насны төрсөн өдрөөрөө дутуу нярайн тасгийн орчин нөхцлийг сайжруулахын тулд өөрийн цуглуулсан мөнгөө хандивлаж, бас хандивын аян байгаа талаараа хуваалцана. Таван сарын өмнө ээж болоод охиноо харахад “энэ хүүхдийн төлөө л би амьдрах юм байна шүү дээ гээд амьдралын зорилго илүү тодорч өгсөн” гэв.