Б.Баярсайхан: Эрчүүд давамгайлсан 30 жилийн төрийн алдааг өнөөдөр бүгд харж байна, эмэгтэйчүүд хамаагүй ёс зүйтэй

Сонгуулийн тухай хуульд эмэгтэйчүүдийн квотыг 30 хувь байхаар зааж өгөөд байгаа. Шийдвэр гаргах түвшинд жендерийн тэгш байдлыг хангуулах асуудалд УИХ-ын гишүүн Б.Баярсайханы байр суурийг хүргэж байна.  

УИХ-ын гишүүн Б.Баярсайхан:
Эмэгтэйчүүдийн квот гэхээсээ илүүтэйгээр жендерийн тэгш байдлын талаар бид ярьж байгаа. Ер нь ганц Монголд биш дэлхий дахинаа л энэ асуудлыг ярьж байна. Монголын парламентын 30 жилийн хөгжлийн явцад эрчүүд олонх байснаараа ямар давуу талтай байсан юм. Ямар сул талтай байсан юм бэ? гэдгийг ярих шаардлагатай байх. Тэр дундаа жендерийн тэгш байдал хангагдаагүй байснаараа бид юугаараа хөгжсөн юм. Юугаа алдсан бэ гэдгийг ярих шаардлагатай. Өнөөдөр гэр бүл нийгэм ялангуяа хүн амын 51 хувийг эмэгтэйчүүд эзэлдэг ийм улс орны хувьд. Боловсролын хувьд эмэгтэйчүүд давамгайлж байгаа ёс зүйн хувьд ч эмэгтэйчүүд илүү цэгцтэй байдаг. Мөн маш олон салбарт эмэгтэйчүүд манлайлж ажиллаж байгаа гэдэг утгаараа шийдвэр гаргах түвшинд эмэгтэйчүүд олноороо байх ёстой гэсэн байр суурийг би дэмжиж байгаа.