Ч.Ундрам: Эмэгтэйчүүдийн төлөөлөл УИХ-д цөөхөн байснаар эрүүл мэнд, боловсрол, гэр бүлийн асуудлууд орхигдож ирсэн

Сонгуулийн тухай хуулийн хэлэлцүүлэг явж байгаатай холбогдуулан шийдвэр гаргах түвшинд эмэгтэйчүүдийн оролцоо, жендерийн тэгш байдал сэдвийн хүрээнд УИХ-ын эмэгтэй гишүүдийн нэг Ч.Ундрамын байр суурийг хүргэж байна.

УИХ-ын гишүүн Ч.Ундрам: 

 Өнгөрсөн 30 жилийн хугацааг авч үзвэл эрэгтэйчүүд давамгайлсан УИХ, ЗГ гээд төр барих институт ажиллаж ирсэн. Жендерийн хувьд харвал эрэгтэйчүүд давамгайлсан шийдвэрийн үр дүнд бид өнөөдөр харж байна. Ямар үр дүн байна вэ? гэж дүгнэхэд бид хүн рүүгээ чиглэсэн шийдвэрийг бага гаргаж ирсэн байна. Дэд бүтэж, зам, тээвэр, барилга байшин гэсэн зүйл рүүгээ илүү анхаараад хүний хөгжил, эрүүл мэнд, боловсрол чиглэлдээ бага анхаарсан шийдвэрүүд гарсан байна. Тиймээс эмэгтэйчүүдийн төлөөлөл илүү их байснаараа эрүүл мэнд, боловсрол, гэр бүлийн асуудал, хүүхэд хамгаалал гэсэн чиглэлд илүү анхаарч шийдвэр гаргадаг. Тиймээс жендерийн төлөөллийг аль болох тэгш байлгах шаардлага байна.