АН бүлэг: Нүүрсний хэрэгтэй холбоотой сонсгол явуулах шаардлага хүргүүлнэ

АН-ын бүлэг хуваарь ёсоор хуралдсан. Хуралдаанаас гаргасан шийдвэрийн талаар бүлгийн дарга О.Цогтгэрэл мэдээлэл хийлээ. Бүлгийн хуралдаанаар хоёр асуудал хэлэлцсэн байна. 2023 оны төсвийн тодотголыг УИХ хэлэлцэж эхлээд байгаа. Төсвийн тодотголоор тэтгэвэр тэтгэмж нэмж байгаа нь буруу биш. Үүнийг харин ямар эх үүсвэрээр нэмж байгаа вэ? Орлого баталгаатай юу гэх асуудлыг авч хэлэлцсэн.  Нүүрсний борлуулалт харьцангуй оны эхний хагас харьцангуй гайгүй байсан. Гэвч сүүлийн найман сард тогтвортой буурч байна. МУ-ын төсөв нэг тонн нүүрсийг 140 доллараар тусгасан бол өнөөдөр нэг тонн нүүрсний үнэ 120 орчим доллар болоод байна. Хагас жилд хэрхэхийг мэдэхгүй. Хоёр их наядын бэлэн мөнгөний нийлүүлэлтээс болоод үнэ ханшийн өсөлт, худалдан авалтын доройтол үүсвэл яах вэ? гэх асуудлыг бүлгийн хуралдаанаар авч хэлэлцлээ. Энэ байр сууриа цаашид илэрхийлнэ.

Өнөөдрийн хуралдаанаар Ковидын үеэрх төсвийн зарцуулалт, ил тод байдлын талаарх асуудлыг авч хэлэлцлээ. Оюутолгой,  Эрдэнэт, ОУ-ын байгууллагуудаас авсан мөнгөнүүд нэгтгэгдээд ямар дүнтэй байсныг ч бид мэдэхгүй байна. Ковидын жилүүдэд онцгой нөхцөл байдал гэдэг утгаараа тендергүй шууд худалдан авалтыг хийж байсан. Иймээс Нийтийн сонсголын тухай хуулийн дагуу Ковидын үеийн төсвөөр нээлттэй сонсгол хийх АН-ын бүлгийн гаргасан шийдвэрийг маш яаралтай хангаж өгөх албан бичгийг  УИХ-ын даргад хүргүүлэхээр боллоо гэсэн юм. 

Мөн УИХ-ын дахь Ардчилсан намын бүлгээс Нүүрсний хэрэгтэй холбоотой сонсголыг яаралтай явуулах шаардлагуудыг холбогдох хүмүүст хүргүүлнэ гэдгээ мэдэгдсэн.