НҮБ-ын орлогч Ерөнхий нарийн бичгийн дарга Изуми Накамицу Монгол Улсад айлчилна

НҮБ-ын Зэвсэг хураах асуудал эрхэлсэн орлогч Ерөнхий нарийн бичгийн дарга Изуми Накамицу Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын наймдугаар бага хуралд оролцох юм байна.  Олон улсын наймдугаар бага хурал Улаанбаатар хотноо энэ сарын 15-16-ны өдрүүдэд болно. 

Изуми Накамицу Монгол Улсын Их Сургууль дээр залуу судлаачид, оюутнуудад зориулан “Олон улсын болон бүс нутгийн зэвсэг хураах огтлолцол: Ирээдүйн сорилт ба боломжууд” сэдвээр илтгэл тавих юм байна.  Түүний энэхүү айлчлал нь олон улсын энх тайван, аюулгүй байдал, цөмийн зэвсэггүй статусыг бэхжүүлэх үйлсэд оруулж буй манай улсын хувь нэмрийг үнэлж байгаагийн илэрхийлэл юм.