П.Дэлгэрнаран: Санал тоолох 500 төхөөрөмж авахаар төсвийн тодотголд 15 тэрбум төгрөг тусгуулсан

Санал тоолох төхөөрөмжийн хугацаа 2024 оны нэгдүгээр сарын 1-ээр дуусна. Уг машинуудаа нэг бүрчлэн хянаж, техникийн үзүүлэлтүүдийг нь шалгаж үзэхэд, 2243 төхөөрөмж хэвийн ажиллагаатай тул  ашиглалтын хугацааг гурван жилээр сунгажээ. 2021 онд Ерөнхийлөгчийн сонгуулийг зохион байгуулахдаа худалдаж авсан 250 төхөөрөмж шинээрээ байгаа аж. Харин 200 гаруй төхөөрөмжийг акталж устгах шаардлагатай гэдгийг СЕХ-ны дарга П.Дэлгэрнаран хэллээ.

Тэрбээр " Төсвийн тодотголд хүсэлт тавьж, 500 гаруй төхөөрөмж нэмж худалдан авснаар тооцоолсон хэмжээнд ажиллана гэж үзсэн. 500 төхөөрөмж, дагалдах иж бүрдэл, дүн дамжуулах төхөөрөмж зэрэгтэйгээ нийлээд 15 тэрбум төгрөгийн төсвийг урьдчилсан байдлаар тавьсан" гэв.