Г.Занданшатар: Гишүүд хэлсэн, ярьсан амлалтаа үйлдлээрээ бодитой харуул

УИХ-ын чуулганы хуралдааны үеэр эмэгтэйчүүдийн квоттой холбоотой заалтаар санал хураахын өмнө УИХ-ын дарга Г.Занданшатар гишүүдэд хандан "ҮХӨ-ийг сурталчлаад явахдаа бид нийгмийн бүлэг, жендерийн талаар хангалттай ярьсан тул гишүүд хүлээсэн. Одоо энэ үүрэг, амлалтаа үйлдлээрээ бодитой харуулах шаардлагатай. Хэлсэн ярьсныхаа эсрэг байж болохгүй" гэдгийг хатуу сануулсан.

Өөрөөр хэлбэл, Улс төрийн намын тухай хуулийн шинэчилсэн найруулгын төсөл болон Монгол Улсын Их Хурлын сонгуулийн тухай хуулийн нэмэлт, өөрчлөлтийн төслөөр Монгол Улсын Үндсэн хуульд оруулсан өөрчлөлтийг “амилуулна” гэдгийг тодотгов.  “Эдгээр хуулиудад цогц өөрчлөлт хийж байж, Улсын Их Хурлын ирэх сонгуулиас эхлээд Монгол Улсын Үндсэн хуульд оруулсан өөрчлөлтийн бодит үр дүн мэдрэгдэнэ. Аливаа шинэчлэлт өөрчлөлт нь боломж, эрсдэлийг дагуулдаг. Сорилт бэрхшээл ч бий болно. Ийм учраас Улсын Их Хурлын сонгуульд нэр дэвшигчдэд тавих шаардлага, шалгуурыг өндөрсгөх талаар олон нийт болон ахмад улстөрчдөөс ирж байгаа санал, зөвлөмжийг анхаарч ажиллах шаардлагатай” гэлээ.