Найзуудтайгаа зугаалж явсан 14 настай хүү Орхон голд живж амь насаа алджээ

Өвөрхангай аймгийн Хархорин сумын Вангийн-Овоо багийн “Толгойн боолт” гэдэг газар 20 хүүхэд зугаалж явснаас 1 хүүхэд Орхон голын усанд сэлэх гэж ороод живсэн тухай дуудлагыг зургаадугаар сарын 06-ны өдрийн 14:08 цагт онцгой байдлын алба хүлээн авсан байна. 

Тус аймгийн Онцгой байдлын газрын Эрэн хайх, аврах салбар, Гал түймэр унтраах, аврах 45 дугаар анги, Архангай аймгийн Онцгой байдлын газрын Эрэн хайх, аврах салбар, Цагдаагийн хэлтсийн алба хаагчид, ар гэрийнхэн 14 настай, эрэгтэй Д-г Орхон голын усаар завиар болон голын эрэг дагуу явганаар нийт 45 км-т эрэн хайх ажиллагааг зохион байгуулан ажилласан ч үр дүнд хүрээгүй тул өчигдөр /2023.06.07/ 21:25 цагт түр зогсоосон байна. 

Эрэн хайх ажиллагааг өнөөдөр өглөөний 05:30 цагаас дахин эхлүүлээд байна.