Б.Энхбаяр: Монголын төр хүнээ бэлдэх ёстой биз дээ, би ХЗДХЯ-ны захиалгаар сураад БЗС-гийн зээлээ төлсөн

Боловсролын зээлийн сангаас зээл авсан иргэдийн мэдээлэл энэ оны гуравдугаар сарын 22-ны өдөр олон нийтэд ил болсон. Тус сангийн зээлээр голдуу улстөрчид болон тэдний хамаарал бүхий хүмүүс гадаадад суралцсан атлаа буцаан зээлээ төлөөгүй нь ардын хүүхдүүдийн боломжоос хулгайлсантай адил үйлдэл болж буй. Тиймдээ ч Боловсролын зээлийн сангийн мэдээлэл өнөөдөр нийгэмд хамгийн их шүүмжлэл дагуулж байна.

БЗС-гаас зээл авсан улстөрчдийн нэг болох УИХ-ын гишүүн Б.Энхбаяр дээрх мэдээлэл нийтэд ил гарсны дараахан тус сангаас авсан 32 мянган ам.долларын зээлээ буцаан төлсөн талаар бид өмнө мэдээлсэн.

Уг зээлийг БСШУ-ны сайд асан Ц.Цогзолмаагийн 2018 оны наймдугаар сарын 31 өдрийн А/555 тоот тушаалаар тэглүүлсэн байдаг ч нийтэд мэдээлэл ил болмогц зээлээ яаравчлан төлсөн байна.

Тэгвэл уг асуудлаар өөрөөс нь зарим зүйлийг тодрууллаа.