4-5 дугаар ангийн сурагчдын зуны амралт өнөөдрөөс эхэллээ

Өнөөдөр 4-5 дугаар ангийн сурагчдын зуны амралт эхэлнэ. Харин 6-12 дугаар ангийн сурагчид БШУЯ-наас гаргасан хуваарийн дагуу зургаадугаар сарын 12-ноос амарна. Өнөөдөр есдүгээр анги төгсөгчид  Монгол хэлний хичээлээр улсын шалгалт өгч байгаа бол 12 дугаар ангийнхан болон МСҮТ-ийн суралцагчид математикийн шалгалт өгч байна.

Боловсролын Үнэлгээний Төвөөс мэдээлснээр энэ жил улсын хэмжээнд ерөнхий боловсролын сургуулийн 12 дугаар ангийг 34,117 сурагч төгсөнө.

Их, дээд сургуульд элсэн орох Элсэлтийн Ерөнхий Шалгалт/ЭЕШ/ зургаадугаар сарын 15-нд түүхийн хичээлээр эхлэх хуваарьтай байна.