Алтанбулаг боомтын ачаа тээврийн хэсэг ирэх наймдугаар сард ашиглалтад орно

Боомтын сэргэлтийн хүрээнд Алтанбулаг боомтын ачаа тээврийн хэсгийн бүтээн байгуулалтын ажил өрнөж байгаа. Тус ажлын гүйцэтгэлийг ирэх наймдугаар сард багтаан ашиглалтад оруулах зорилготой ажиллаж байгаа юм. “Хилийн үйлчилгээг сайжруулах бүс нутгийн төсөл” буюу Азийн хөгжлийн банкнаас санхүүжүүлж байгаа Алтанбулаг хилийн боомтын шинэчилсэн төлөвлөлтийн хүрээнд хэд хэдэн бүтээн байгуулалтыг хийх юм. Энэ хүрээнд

• Зорчигч тээврийн 19 барилга 
• ачаа тээврийн 18 барилга байгууламж
• дэд бүтцийн таван барилга 
• ногоон байгууламж 6000м.кв
• иж бүрэн инженерийн шугам сүлжээ зэрэг ажлууд багтаж байна. 

Эдгээр ажлыг хоёр үе шаттай хийх бөгөөд эхний ээлжид тусгаарлах зурвас бүхий дөрвөн эгнээ 1.7 км урттай авто зам, авто зогсоол барьж байгуулах юм. Уг ажил дуусах шатандаа оржээ.