Мэдээллийн мөрөөр: Хүүхдүүдийн ар гэрт нөхцөл байдлын үнэлгээ хийхээр болжээ

Бид Хүүхдийн эрхийг хамгаалах өдөрт зориулан хүүхдийн эрх зөрчигдөж буй асуудлын нэгээхэн хэсгийг хөндөн сурважилсан билээ. Албан тасалгааны цонхоор амьдрал сайхан харагдаж буй мэт боловч захын хороололд бодит амьдралын үнэн хэсэг худал үгүй "оршино". Ээж, аавынхаа хайранд бөмбөрч өсөх ёстой нялх үрс өнөөдөр амьдралын хатуутай нялхаасаа нүүр тулж, тэдний мөрөөдөл даруй том болж идэх хоолтойгоо золгох нь "мөрөөдөл" болж хувирчээ. 

Яг л  энэ дүр төрхтэй таван балчир Баянзүрх дүүргийн 34 хороонд амьдарч байна. Тэд тавуулаа гурван өөр айлын хүүхдүүд. Хамгийн бага нь долоохон сартай бол том нь нэгдүгээр анги. Аав, ээж нь ажил хийхээр өдөржин гэрт нь хоолгүй үлдээгээд явдаг. Том нь дүү нараа харж, хурдан том болж бөх болоод салат их идэхсэн хэмээн хэвлүүлэн ярина. 

Тэгвэл бидний сурвалжлагын мөрөөр хүүхдүүдийн ар гэрт хорооны нийгмийн ажилтан, хүүхдийн эрхийн байгууллагаас нөхцөл байдлын үнэлгээ хийхээр болжээ.