Хүүхдийн хүмүүжилд хэрэгтэй ЭШЛЭЛ үгс

Монголчууд хүүхдийн хүмүүжил, ирээдүйн сайн сайхан амьдралын үндсийг тавихын тулд үр хүүхдээ үлгэр, домог, зүйр сэцэн үгс, сургаал үгсээр хүмүүжүүлж ирсэн. Энэ удаад бид “Олон улсын хүүхдийн эрхийг хамгаалах өдөр”-ийг тохиолдуулан хүүхдийн хүмүүжилд хэрэг болох эцэг эхчүүдэд санах сэрэхэд нь тус болох суутнуудын хэлсэн үгсийг нэгтгэн хүргэж байна.

• Хүүхдээ ухаантай хүн болгоё гэж бодож байвал үлгэр уншиж өг. Илүү ухаантай хүн болгоё гэвэл бүр их үлгэр уншиж өг.    Альберт Эйнштейн
• Хүүхдүүд буддаг ном биш. Тиймээс тэднийг өөрийнхөө дуртай өнгөөр дүүргэх гэж бүү зүтгэ. Халед Хоссейн
• Хүүхэд бол толь. Тэд бидний хийж буй үйлдэл, хэлсэн үг бүрийн тусгал. Пам Лео
• Хүүхдэд шүүмжлэлээс илүү үлгэр дуурайлал хамгаас чухал. Иосеф Иоюбер
• Хүүхэд өөрийнх нь үгийг сонссоны дараа таныг сонсож сурна.  Жейн Нельсен
• Хүүхэдтэй хамт өнгөрүүлсэн цаг хугацаа хэзээ ч хий дэмий өнгөрдөггүй. Даун Лантеро 
• Нэгэнт эвдэрсэн хүнийг засахаас илүү хүүхдийг сайн хүн болгож хүмүүжүүлэх нь амархан. Фредерик Дугласс
• Аавуудын хүүхдийнхээ төлөө хамгийн сайн хийж чадах зүйл бол ээжийг нь хайрлах юм. Теодер Хесбург
• Бид хүүхдүүддээ аливаа маргааныг зэвсгээр биш үгээр шийддэг байхыг заах ёстой. В.Ж.Клинтон
• Хүүхдийн нүдэнд ертөнцийн долоон гайхамшиг биш долоон сая гайхамшиг харагддаг. Уолт Стрейтиф
• Хүүхэд бүрийн сонсож өсөх долоон үг: Би чамд хайртай, Чамаараа бахархаж байна, Намайг уучлаарай, Би чамайг уучилж байна, Чамайгаа сонсож байна, Энэ бол чиний үүрэг, Чи хэр их чинээ хичээнэ, төдий чинээ амжилтад хүрнэ.  Шерри Кампбелл

 Үг бол хамгийн хүчтэй зэвсэг билээ. Урмын үгийг үр хүүхдээсээ хэзээ ч бүү харамлаарай.