БШУЯ: Энэтхэг улсын тэтгэлгийг олонд хүргэх гэж орчуулж оруулсан, бид ийм үүрэггүй

Боловсрол шинжлэх ухааны яамны албан ёсны сайтад өчигдөр буюу Тавдугаар сарын 30-нд Бүгд Найрамдах Энэтхэг улсын Засгийн  газрын тусгай тэтгэлэгт хөтөлбөр зарлагдсан тухай мэдээллийг байршуулсан. Харин тус мэдээллийг албан ёсны фейсбүүк хуудас дээрээ өнөөдөр нийтэлсэн юм.  Гэтэл тус хөтөлбөрийн бүртгэл өнөөдөр дуусаж байгаа аж. Өөрөө хэлбэл, тэтгэлгийн бүртгэл өнөөдөр дуусаж байхад мэдээллийг оруулж байгаа гэсэн юм. Үүнд олон нийт шүүмжлэлтэй хандаж байгаа юм. 

Бид уг мэдээллийг БШУЯ-аас тодрууллаа

БШУЯ-аас тодруулахад ''Уг тэтгэлэг Элчин сайдын яамны сайтад өнгөрсөн долоо хоногт зарлагдсан. Бид хүнд хүргэх гэж өнөөдөр орчуулаад оруулсан. Бусдаар үүнийг мэдээлэх үүрэггүй'' гэх мэдээллийг өгөөд утсаа таслав.