Худалдагчийн биед халдаж, танхайрсан гэх иргэнийг шалгаж байна

Сүлжээ дэлгүүрийн худалдагч болон үйлчлүүлэгч нарын хооронд таарамжгүй харилцаа үүссэн байж болзошгүй бичлэг цахим орчинд цацагдаад байна.

Энэ талаар цагдаагийн байгууллагаас “Иргэн Н энэ сарын 16-ны өдөр нийслэлийн Баянгол дүүргийн 4 дүгээр хороо, GS-25 сүлжээ дэлгүүрээр үйлчлүүлж байхдаа худалдагч С-ийн биед нь халдан, хэл амаар доромжилж танхайрсан. Дээрх үйлдэлд цагдаагийн байгууллагаас Зөрчлийн хэрэг нээн шалгалтын ажиллагаа явуулж байна” гэж мэдээллээ.  

Зөрчлийн тухай хуулийн 5.2 дугаар зүйл.Танхайрах
1.5.үйлчилгээний болон дарааллын журам зөрчиж биеэ авч явах нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулна.
5.3 дугаар зүйл.Хүний биед халдах
1.Хүний биед хохирол учруулахгүйгээр халдаж зодсон бол хүнийг нэг зуун нэгжтэй тэнцэх хэмжээний төгрөгөөр торгоно.