Омикроны дэд хувилбар ахмадууд хүндээр тусаж байна

Коронавирусын нөхцөл байдлын талаар мэдээлэл ХӨСҮТ-ийн Вирус судлалын лабораторийн эрхлэгч Ц.Наранзул 

Тавдугаар сарын байдлаар дэлхийн хэмжээнд нийт 766 сая гаруй хүн коронавирусын халдвараар өвдөж, үүнээс 6.9 сая гаруй хүн нас барсан гэж бүртгэгдсэн. 

Сүүлийн долоо хоногт 2.3 сая хүн батлагдсан. Өмнөх долоо хоногтой харьцуулбал 21 хувиар буурсан үзүүлэлттэй байгаа хэдий ч зарим бүс нутгуудад халдварын тоо нэмэгдсэн үзүүлэлттэй байна. 

Монгол Улсын хувьд хоёрдугаар долоо хоногийн байдлаар буюу тавдугаар сарын 13-19-ны хоорондох мэдээгээр нийтдээ 664 шинэ тохиолдол бүртгэгдсэн байна. Үүнд Улаанбаатар хот, Өмнөговь, Дорноговь, Дорнод, Дархан-Уул, Сүхбаатар зэрэг аймгуудад өвчлөл нэмэгдсэн үзүүлэлттэй байгаа аж. 

Дэлхийн улс орнуудад тавдугаар сарын 21-ны байдлаар 25 мянга орчим сорьцын шинжилгээ хийж, хувилбарын тандалтыг явуулсан. Үүнд дунд коронавируст халдварын XBB.1.5 дэд хувилбар 41.6 хувь, XBB.1.16 дэд хувилбар 13.1 хувьд нь буюу дийлэнх хувийг эзэлж байна" гэсэн юм.