​Ерөнхийлөгч У.Хүрэлсүхийн дүү У.Отгонбаяр 32 мянган ам.долларын зээлээ төлжээ

Боловсролын зээлийн сангийн зээлдэгчдийг зээлээ төлөхийг шаардаж эхэлснээс хойш тус сангийн зээлийн эргэн төлөлт  506 мянган ам.доллар буюу 1,7 тэрбум гаруй төгрөг болов.

Нэр бүхий хүмүүс зээлээ төлж эхэлсэн бөгөөд УИХ-ын гишүүн Т.Доржхандын хүү, БШУ-ны сайд Л.Энх-Амгалангийн эхнэр, УИХ-ын гишүүн Б.Энхбаяр, УИХ-ын гишүүн Б.Саранчимэг нар зээлээ бүрэн төлсөн бол  сайд асан Л.Гантөмөрийн охин Г.Хулан 100 мянган ам.долларын зээлээ төлөөд байна. 

Түүнчлэн хоёр хоногийн өмнө Ерөнхийлөгч У.Хүрэлсүхийн дүү Ухнаагийн Отгонбаяр 32 мянган ам.долларын зээлээ төлсөн байна. У.Отгонбаяр 2011 онд Австралийн Чарлас Старт их сургуульд суралцахдаа 32 мянган ам.долларын зээл авсан ч 12 жилийн дараа зээлээ төлөв.