ТАНИЛЦ: Кино урлагийг дэмжих сангаас САНХҮҮЖИЛТ авсан газрууд

Шил ажиллагааны хүрээнд Кино урлагийн сангийн зарцуулалтын мэдээллийг өнөөдөр /2023.05.26/ https://shilen.gov.mn/movie сайтад ил болголоо.

Кино урлагийг дэмжих сан нь Монголын кино урлаг, кино уран бүтээлчдийг дэмжих, дэлхийд өрсөлдөх кино үйлдвэрлэлийг хөгжүүлэх, түүнчлэн Монголын түүх, соёл, ахуй амьдрал, хүүхэд, залуучуудын хүмүүжил, төлөвшилд эергээр нөлөөлөх кино болон олон улсын кино наадамд өрсөлдөх зорилготой найруулагчийн бүтээлч чанар, гоо зүйн үнэлэмж, үзэл бодлын илэрхийллийг харуулсан орчин цагийн Монголын кино бүтээхэд дэмжлэг үзүүлэх зорилготой юм. Түүнчлэн уг сангаас арилжааны кино бүтээх болон кино үйлдвэрлэлд шаардлагатай дэд бүтцийг сайжруулахад чиглэсэн техник технологи, программ хангамж, инновац нэвтрүүлэхэд хөнгөлөлттэй зээлийг арилжааны банкаар дамжуулан олгох замаар Монголын кино үйлдвэрлэлийг дэмжин ажилладаг.

Тус сан нь  2022 онд байгуулагдсан цагаасаа хойш кино урлагийг дэмжиж 11 хуулийн этгээдэд нэг тэрбум төгрөг олгожээ. Тус гэрээнүүд нь 24 -240 сая төгрөгийн хооронд байна.

Тухайлбал, жүжигчин Г.Ундармаагийн "Ю Тийм" компани тус сангаас "Амира" хүүхэлдэйн олон ангит киноны төсөлдөө 240 сая төгрөгийн санхүүжилт авчээ. 

Дэлгэрэнгүй жагсаалтыг дараах хүснэгтээс харна уу. 

Дээрх 11 хуулийн этгээдийн гэрээ одоо хэрэгжиж байгаа бөгөөд гүйлгээ бүрэн хийгдээгүй байгаа аж.