Жүжигчин Г.Ундармаагийн “Ю Тийм” компани “Кино урлагийг дэмжих сан”-аас хамгийн өндөр санхүүжилт авчээ

Кино бүтээх үйл ажиллагааг төрөөс дэмжих зориулалттай Кино урлагийг дэмжих сан 2022 онд байгуулагдсан. Тус сан уран сайхны болон баримтат киноны төслийг дэмжих чиглэлээр 2023 онд 1 тэрбум 71 сая төгрөгийг 11 хуулийн этгээдэд олгосон мэдээлэл shilen.gov.mn сайтад байршуулаад байна. Нээлттэй мэдээллээс харахад хамгийн өндөр санхүүжилт болох 240 сая төгрөгийг жүжигчин Г.Ундамаагийн “Ю Тийм” компани “Амира”хүүхэлдэйн олон ангит кино төслөөрөө авчээ.  

Мөн, Хүлэгү пиксерс “Өмнийг зорих замд ”уран сайхны кино төслөөрөө 80 сая төгрөг, найруулагч Б.Гарамханд “Алдагдсан өдрүүд” хүүхдийн кино төслөөрөө 75 сая 200 мянган төгрөг, найруулагч Г.Жигжидсүрэнгийн “Жигжидсүрэн Монголын кино институт” “Алтан өргөө” олон Улсын кино наадам зохион байгуулах төслөөр 56 сая төгрөгийн санхүүжилтийг тус тус авсан байна. Эдгээр санхүүжилтийг Соёлын сайд Ч.Номингийн тушаалаар олгожээ.