Н.Өнөрцэцэг: БЗС-гийн эргэн төлөлт 500 саяар нэмэгдэж 1.6 тэрбум төгрөгт хүрлээ

Боловсролын зээлийн сангаас авсан зээлээ төлөөгүй албан тушаалтнуудыг бид цуврал болгон зарлаж, өрөө төлөхийг шаардсаар буй. Тэгвэл долоо хоногийн хугацаанд Боловсролын зээлийн санд 1.1 тэрбум төгрөг эргэн төлөгдсөн болохыг БШУ-ны сайд Л.Энх-Амгалан өчигдөр мэдээлэл хийх үеэрээ тодотгосон. 

Дээрх эргэн төлөлтийн хэмжээ дахин 500 сая орчим төгрөгөөр нэмэгдэж, өнөөдрийн байдлаар Боловсролын зээлийн сангийн эргэн төлөлт 486 мянган ам.доллар буюу 1.6 тэрбум төгрөгт хүрчээ. 

Хэн, хэн зээлээ төлсөн талаар бид эргэн мэдээлнэ. 

Эргэн төлөлтийн тушаал гарах үед мөрдөж байсан журмын дагуу суралцагчид сургуулиа төгсөөд таван жил ажиллаж, НДШ төлсөн тохиолдолд чөлөөлөгдөж байсан. Тухайн суралцагчид хэдийгээр гэрээний үүргээ биелүүлээд чөлөөлөгдсөн ч гэсэн эхнээсээ зээлээ төлөөд эхэлж байна.