"Оюутолгой" компани төлөвлөж байснаасаа илүү хэмжээний үйлдвэрлэл явуулж байгаа нь эдийн засагт эерэгээр нөлөөлж байна

Эдийн засаг, хөгжлийн сайд Ч.Хүрэлбаатар эдийн засгийн төлөв байдлыг танилцууллаа. 

Тэрбээр "Энэ оны нэгдүгээр улирлын байдлаар  улсын эдийн засаг 7.9 хувиар өслөө. Валютын нөөц 3.8 тэрбум ам.долларт хүрсэн. Үүнээс үзэхэд, манай улсын валютын нөөц тогтвортой, тогтмол өссөн дүр зурагтай байна. Эдийн засаг өсөлт гадаад эрэлтээс ихээхэн нөлөө үзүүлж байгаа. Нүүрс олборлолт 3.3 дахин өссөн. Мөн нэг нааштай мэдээ нь  "Оюутолгой" компани төлөвлөж байснаасаа 43 хувиар илүү хэмжээний  үйлдвэрлэл явуулж байгаа нь манай улсын эдийн засаг өсөх таатай нөхцөлийг бүрдүүлж байна. 

Л.Оюун-Эрдэнийн Засгийн газраас Монгол Улсын эдийн засгийн өсөлтийг цар тахлын өмнөх түвшинд хүргэнэ гэсэн зорилтыг дэвшүүлсэн. Одоогийн байдлаар гурван салбар буюу барилга, уул уурхай, тээвэр гэсэн энэ салбараас бусад нь цар тахлын өмнөх түвшинд хүрээд байна. Дотоодын эрэлт өөрчлөлтгүй байгаа. Эдийн засгийн гол өсөлт нь гадаад эрэлт байна гэж хэлж болно. Шинэ сэргэлийн бодлогын хүрээнд энэ ондоо 18 төсөл хэрэгжиж дуусах ёстой" гэлээ. 

"Оюутолгой" компани төлөвлөж байснаасаа 43 хувиар илүү хэмжээний үйлдвэрлэл явуулж байгаа нь эдийн засагт эерэгээр нөлөөлж байна