АТГ: Бидний ажилд сэтгүүлчид дэмжлэг болж байгаа нь хэрэг хурдан шийдэгдэх талтай​

АТГ-ын Мөрдөн шалгах хэлтсийн орлогч М.Даваатогтохоос БЗС-гийн хэргийн талаар тодрууллаа.

Ийм олон жил даамжирсан хэрэг байхад яагаад шалгадаггүй юм бэ? Сэтгүүлч л хөдлөх юм бол та нар хөндөж байгаад тайлбар өгөөч?

Олон нийтийн хяналтад орж ирж байгаа нь мөрдөн шалгах ажиллагаанд том дэмжлэг үзүүлж байгаа. Энийг зориуд тэмдэглэн хэлмээр байна. Тэрнээс биш хуулийн байгууллага нь таг дуугүй буруу харж байгаад олон нийтийн хяналтад ороод ирэхээр шалгаад эхэлдэг юм бол байхгүй. Та бүхний дэмээр олон ажил явж байгааг хүлээн зөвшөөрнө. Гэхдээ мэдээллийг бас олон нийтэд зөв хүргэхгүй бол болохгүй.

Зөвхөн Боловсролын зээлийн сан дээр л гэхэд хэвлэл мэдээлэл  50 гаруй нэрийг зарлаад байна. Өмнө нь энэ хүмүүсийг та нар мэдээгүй байсан юм уу? эсвэл ном журмынхаа хүрээнд явж байгаа гэж бодсон юм уу?

 Манай дээр 2022 онд хэрэг бүртгэл нээгдээд явж байгаа. Мөрдөх албаны нэг онцлог байгаа. Эрүүгийн хэрэг хянан шийдвэрлэх хуулиараа нууц хадгалах үүрэгтэй.  Би өөрийнхөө хийж байгаа ажлыг өдөр бүр нээлттэй та бүхэн шиг зарлаад байх боломжгүй.  Энэ нь өөрөө хуулийн хязгаарлалттай учир юу ч хийгээгүй юм шиг олон нийтэд ойлгогдож болно. Гэхдээ энэ ажил маань хийгдээд явж байдаг.