Засгийн газрын 25 тусгай сангийн 9 нь ил болов

Засгийн газрын нийт 25 тусгай сан байдаг. Эдгээр, Хөдөлмөр эрхлэлтийн сан, Нийгмийн даатгалын сангийн мэдээллийг ил болголоо. Ингэснээр нийт есөн сангийн мэдээлэл shilen.gov.mn сайтад ил боллоо.

 ЦХХХ-ны сайд Н.Учрал: Шилэн ажиллагааны гол зорилго бол ил тод нээлттэй байдлыг бий болгох. Ерөнхий сайдын үүрэг болгосны дагуу тусгай сангуудын мэдээллийг ил болгохоор ажиллаж байна. Нийт 25 тусгай сан байна. Эндээс бид Жижиг дунд үйлдвэрлэлийг хөгжүүлэх сангийн мэдээллийг зээлийн үлдэгдэлтэй нь инфо график болгон байршуулсан. Нэг сайн мэдээ нь энэ мэдээллийг нээлттэй болгоод ердөө дөрвөн долоо хонож байхад гурван тэрбум 550 сая төгрөгийн эргэн төлөлт хийгдсэн байна.

 Мөн нийгмийн халамжийн санг бид олон нийтэд ил болгосон. Хэдий хэмжээний мөнгөөр иргэдийг халамжилсан бэ? гэдгийг ил болгосон. Энэ сангийн зарцуулалт яг зорилтот бүлэгтээ хүрсэн үү? гэдэг дээр хяналт тавих бололцоотой. Улсын Авто замын санг мөн ил болгосон. Хөдөлмөр эрхлэлтийг дэмжих сан, Нийгмийн даатгалын сангийн мэдээллийг өнөөдөр ил болгож байна. Дээрээс нь Хүүхдийн төлөө санг оруулсан байгаа. Нийт 25 тусгай сан байгаагийн 9 сангийн мэдээлэл өнөөдөр ил болж байна.

 Шилэн.мн -д мэдээлэл нь ил болсон есөн сангийн жагсаалт

https://shilen.gov.mn/

• Хөдөө аж ахуйг дэмжих сан
• Жижиг дунд үйлдвэрлэлийг дэмжих сан
• Соёл урлагийг дэмжих сан
• Улсын авто замын сан
• Нийгмийн халамжийн сан
• Хүүхдийн төлөө сан
• Нийгмийн даатгалын сан
• Хөдөлмөр эрхлэлтийг дэмжих сан
• Боловсролын зээлийн сан