Д.Гарди: БЗС-гаас зээл авсан 3000 гаруй хүний материалаас 900 орчим нь байна, 2000 гаруй нь устгагдсан

 Боловсролын зээлийн сангаас зээл авч гадаадын их, дээд сургуульд суралцсан хэдий ч гэрээний үүргээ биелүүлээгүй буюу зээлээ төлөөгүй иргэдийн мэдээллийг нийтэд ил болгосон. Түүнчлэн зээлээ төлөөгүй 230 хүний асуудлыг хуулийн байгууллагад шилжүүлж байгааг мэдэгдсэн. Уг зээлийн сангаас улстөрчид, тэдний хамаарал бүхий хүмүүс зээл авч хамрагдаж, ардын боломжоос хулгайлсан нь нийгэмд шүүмжлэл дагуулж байгаа билээ. Түүнчлэн ил болгосон мэдээллээс зарим улстөрчид холбогдох мэдээллийг оруулалгүй хассан нь анхаарал татаж буй. Уг асуудалд  Боловсролын зээлийн сангийн ажлын албаны дарга Д.Гарди дараах тайлбарыг өглөө.

Тэрбээр  "Уг нь манай сангийн зээлээр суралцсан 3000 хүний материал байх ёстой боловч одоо 900 гаруй хүний материал байна, ажиллаж байсан хүмүүс нь устгасан асуудлууд хүртэл гарсан" гэв.