Ч.Хүрэлбаатар: Би ХААН банкинд давуу эрх олгосноо мэдэхгүй байна, энэ асуултаа тэр Н.Мандуул, Б.Энхбаяраасаа асуу

Хөгжлийн банкны асуудлаар Эдийн засаг, хөгжлийн сайд Ч.Хүрэлбаатарыг АТГ-аас шалгаж эхэлсэн билээ. Энэ талаар өөрөөс нь тодруулахад дараах тайлбарыг өгөв. 

Тэрбээр "АТГ-аас намайг дуудаагүй ээ. Хаан банкинд би давуу эрх олгоогүй, тийм юм гэж юу байхав. 2020 оны дөрөвдүгээр сард Хөгжлийн банк Сангийн яаманд шилжиж ирсэн. Түүнээс хойш бүх үйл ажиллагааг Сангийн яам эхлүүлсэн байдаг. Зээлийг эргэн төлүүлэх чиглэлээр хуулийн байгууллагатай хамтран ажилласан ийм л юм болсон. Тэр нь үр дүнд хүрсэн. Харамсалтай нь Хөгжлийн банкны сүүлийн удирдлага нь өмнөх удирдлагуудынхаа хийсэн ажлыг үгүйсгэж, ололт амжилтыг өөр дээрээ наах гэж оролдож байгаа болов уу гэж харж байгаа. 

Та Хаанбанктай ямар холбоотой юм бэ гэдэг асуултад тэрбээр " Хаан банкны тодорхой хэмжээний хувьцааг хууль бус аргаар эцсийн өмчлөгч нь тодорхойгүй байгаа хэсэг бүлэг хүмүүс хаанаас, ямар гаралтай мөнгөөр авах гэж оролдож байгааг нь зогсоож байсан. Тэр цагаас эхлээд намайг Хаан банктай холбож эхэлсэн. Би Хаанбанкид давуу эрх олгосноо мэдэхгүй байна, энэ асуултаа тэр Н.Мандуул, Б.Энхбаяраасаа асуу" гэв.