2023 оны Ерөнхий сайдын нэрэмжит гадаадын тэтгэлгийн хоёрдугаар шатад 26 горилогч тэнцжээ

Монгол Улсын Ерөнхий сайдын нэрэмжит гадаадын тэтгэлгийн нэгдүгээр шат дуусжээ. Харин өнөөдөр буюу Тавдугаар 19-нд хоёрдугаар шат буюу ярилцлагын шалгалт эхэлжээ. Дээрх тэтгэлэг нь дотоодын их дээд сургуулийн шилдэг 50 хүртэлх оюутанд 10 сая төгрөг, гадаадын шилдэг 100 ранкийн их дээд сургуульд магистр, докторын түвшний сургалтад урилгаа авсан 50 хүртэлх суралцагчийн сургалтын төлбөрийг төлөх хэлбэрээр зарлагдсан билээ.

Гадаадын магистр докторын тэтгэлэгт 47 иргэн бүртгүүлсэн. Үүний 21 нь шаардлага хангаагүй тул хасагджээ. Харин өнөөдөр нийт 26 горилогч хоёрдугаар шатны шалгаруулалтад оролцох юм. Шалгаруулалт явуулж буй комиссын хэлж буйгаар өнөөдөр орой дүнг нэгтгэж нээлттэй мэдээлэх ажээ.