Үндэсний номын баяр энэ сарын 26-нд эхэлнэ

УИХ-ын даргын ивээл дор "Номын соёлт ертөнц" ТББ-аас 33 дахь удаагаа зохион байгуулж буй Үндэсний номын баяр Тав дугаар сарын 19-нд Говьсүмбэрт, 21-нд Дорноговь аймагт болно. Харин  Нийслэл хотноо  26-28 нд болно. Энэ жилийн Үндэсний номын баярын нээлт  Говьсүмбэр аймгийн Төв номын санд болно. Номын баярын нэгдсэн үйл ажиллагаа Улаанбаатар хотод Д.Сүхбаатарын талбайд энэ сарын 26-аас 28-нд болох бөгөөд оройн 22 цаг хүртэл үргэлжилнэ. 

Номын баяраар нийтдээ 300 гаруй асар баригдаж, 200 гаруй хэвлэн нийтлэгч болон 300 гаруй зохиолч оролцдог байна. Харин 30,000 гаруй хүн идэвхтэйгээр оролцож, номын баярын үеэр номыг түгээн дэлгэрүүлэхэд гар бие оролцдог ажээ.