Ц.Даваасүрэн: Хөвсгөл аймгийн иргэд УИХ-ын гишүүдийн тоог 152 болгохыг дэмжээгүй

Үндсэн хуульд нэмэлт өөрчлөлт оруулах замаар УИХ-ын гишүүдийн тоог хоёр дахин нэмэгдүүлж 152 болох асуудлаар УИХ-ын гишүүд тойрогтоо ажиллаж иргэд олон нийтийн саналыг сонсоод ирсэн. Хөвсгөл аймгийн иргэд сонгогчид ямар байр суурьтай байгааг УИХ-ын гишүүн Ц.Даваасүрэнгээс тодрууллаа.

Танай тойргийн сонгогчид УИХ-ын гишүүдийн тоог 152 болгох асуудалд ямар байр суурьтай байна вэ?Дэмжихгүй байна лээ. Ганц нэг хүн 152 биш 108 байвал болох юм гэж байсан.

Таны хувьд өөрөө дэмжихгүй байгаа учраас тэр талаас нь мэдээллийг өгсөн гэж ойлгоод байгаа ?Тэнцвэртэй л мэдээлэл өгнө шүү дээ. Тэртэй тэргүй хэлэлцүүлэг ард иргэдийн дунд яваад эхэлчихсэн юм билээ. Тэр чинь ойлгож ядаад байх юм байхгүй ш дээ. 152 гишүүнтэй болно гэдэг нэг асуудал. Пропорциональ, мажоритар 76/76 гээд иргэд тэрийг чинь ойлгож байгаа шүү дээ. Энэ 76 гишүүн чинь болж бүтэхгүй байхад юун 152 л гэж байна лээ.