Б.Чойжилсүрэн: Би тойрогтоо ажиллаагүй, гишүүдийн тоог шууд 152 болгох нь ч хаашаа юм

Үндсэн хуульд нэмэлт өөрчлөлт оруулах замаар УИХ-ын гишүүдийн тоог хоёр дахин нэмэгдүүлж 152 болох асуудлаар УИХ-ын гишүүд тойрогтоо ажиллаж иргэд олон нийтийн саналыг сонсоод ирсэн. УИХ-ын гишүүн, Эрчим хүчний сайд  Б.Чойжилсүрэнгээс байр суурийг нь тодрууллаа.

-Тойргийн иргэд нь ҮХНӨ-ийг дэмжиж байна уу?
-Би тойрогоо ажиллаагүй. Нөгөө хоёр гишүүн ажилласан.

-Иргэд хэрхэн хүлээж авч байгаа гэсэн мэдээлэл байна?

-Янз бүрийн шалтгаантай хүлээж авч байх шиг байна лээ.

-Таны хувьд дэмжиж байгаа юу?

-Би МАН-ын гишүүн. Бүлгээс ямар шийдвэр гарна тэр шийдвэрийг нь дагана.

-Гишүүдийн тоог нэмснээр ямар эерэг өөрчлөлтүүд гарна гэж үзэж байгаа вэ?
Пропорциональ элементийг оруулж ирж байгааг дэмжиж байгаа. Би гуравдугаар сард тойрогтоо ажилласан, энэ үеэр иргэд нааштай байр суурьтай байсан.

-Гишүүдийн тоог 152 болгох дээр та ямар байр суурьтай байна?

-Гишүүдийн тоог нэмэх эсэх асуудал хэлэлцүүлгийн шатанд шийдэгдэх байх. Маргааш бүлгийн хурлаар яригдана. Шууд 152 нь ч хаашаа юм.