АНУ-ын элчин сайдын яамнаас Дархан-Уул аймаг дахь Америкийн соёл, мэдээллийн төвийн үйл ажиллагаатай танилцах айлчлал хийлээ

Өнөөдөр Дархан-Уул аймагт Бээжин дахь АНУ-ын ЭСЯ-ны Бүс нутгийн олон нийтийн оролцоо хариуцсан мэргэжилтэн Кэтрин Марсичек, ЭСЯ-ны Америкийн соёл мэдээллийн төвүүдийн хөтөлбөр хариуцсан ажилтан Д.Болормаа нар айлчиллаа.

Айлчлалын үеэр тэд Дархан хотын Америкийн соёл, мэдээллийн төвийн үйл ажиллагаатай танилцан цаашид хамтын ажиллагаагаа өргөжүүлэх талаар аймгийн засаг дарга Б.Азжаргалтай санал солилцсон юм.

 Дархан-Уул аймагт Америкийн соёл, мэдээллийн төвийг АНУ-ын төрийн департаментын Боловсрол, соёлын асуудал эрхэлсэн товчооноос санхүүжүүлэн Дархан хотын 60 жилийн ойн босгон дээр байгуулсан.
Тус төв нээгдсэнээр хүүхэд залуус АНУ-ын талаарх бүхий л мэдээ, мэдээллийг авч Англи хэлний сургалт, интернэтийн үйлчилгээ, их дээд сургуулиудын элсэлт, тэтгэлэгт хөтөлбөрүүдийн талаар зөвлөгөө мэдээллийг үнэ төлбөргүй авч байна.
Уулзалтын үеэр аймгийн Засаг дарга тус төвд Засаг даргын ивээл дор 3 дахь удаагаа зарлагдан амжилттай үргэлжилж буй Call for you төслийн явцыг танилцуулан цаашид манай аймгийн зүгээс хамтарч ажиллах бүхий л ажлыг дэмжинэ гэдгээ илэрхийллээ.