М.Баяраа: Үндэснээсээ илжирсэн 10 гаруй мод байсныг долоог нь тайрсан

Улаанбаатар хотын ерөнхий менежер болон төсөл хэрэгжүүлэгч нараас Бага тойрууд эхэлсэн дулааны шугамын засварын талаар мэдээлэл хийлээ.

Улаанбаатар хотын ерөнхий менежер М.Баяраа" Урин дулаан цаг эхэлж байгаатай холбогдуулан тодорхой байршлуудад халуун усыг түр хугацаагаар хязгаарлаж, засвар, шинэчлэлийн ажлыг хийж гүйцэтгэж байна. Тухайлбал нийт 19 байршилд дулааны шугам сүлжээн засварын ажлыг хийхээр төлөвлөөд байна. Мөн цахилгаан ,шугамын засварын ажлыг 13 байршилд, хороолол доторх инженерийн шинэчлэлийн ажил 8 гэх мэт нийт 644 гаруй ажлыг хийж гүйцэтгэнэ. Түүнчлэн мод тайрсан асуудал нийгмийн сүлжээнд яригдаж байгаа. Үндэснээсээ илжирсэн 10 гаруй мод байсныг долоог нь тайрсан. Иргэд энэхүү асуудлыг хөндөх нь зүйтэй. Гэвч долоон модны асуудлаар нийгмийн анхаарлыг сарниулаад цаана нь барилгын компаниуд зөвшөөрөлгүйгээр зуу, зуун мод хуулж, явган хүний замыг хөнддөг асуудал байна. Иймээс бид зөвшөөрөлгүй газар шорооны ажил хийх, ногоон байгууламжийг хөнддөг асуудлыг хурлаар хэлэлцэж, шийддэг болно.  Түүнчлэн Бага тойрогт хийх  магистраль шугамыг өргөтгөх ажил хийгдэж байна. Үүний цаана 9000 гаруй өрх, 50 гаруй мянган хүнд дулаан, цэвэр усны үйлчилгээ авч байгаа. Төсөл Дэлхийн банкны хөнгөлөлттэй зээлээр Эрчим хүчний яам хэрэгжүүлж байна. Дулааны шугамын засварын ажилд иргэд хүлээцтэй хандахыг хүсэж байна" гэсэн юм.