Сүүлийн 20 жил Улаанбаатарт олгосон газрын мэдээлэл ил тод боллоо

Нийслэлийн Засаг дарга нарын 2000.01.01-2020.12.31 хүртэлх газар олголтын мэдээллийг ил болгож байна. Нийт 36 958 захирамжийг нээлттэй байршууллаа. 

Өнөөдөр "Шилэн" ажиллагааны хүрээнд  газар олголтын мэдээллийг ил болгож,  Цахим хөгжил, харилцаа холбооны сайд Н.Учрал мэдээлэл хийлээ.  Тэрбээр мэдээлэлдээ, Та бид дэлхийн хамгийн хүйтэн нийслэлд дээд зэргийн зохион байгуулалтгүй, шахалдаж амьдарч байна. Улсынхаа газар нутгийн 0.3 хувьд хүн амын 50 хувь нь амьдардаг ийм хот дэлхий дээр үлдээгүй. 

Газар олголтын мэдээллийг ил болгохыг улс төрийн өнгөөр харж болохгүй. МАН, АН-ын нийслэл хот гэж байхгүй. Ил тод мэдээллийг аль нэг нам, улс төрийн өнцгөөр ялгаварлан гадуурхах эрх хэнд ч байхгүй.

 20 жилийн түүхэнд хотын дарга асан Э.Бат-Үүлийн гарын үсэг ч байна. МАН-ын гишүүн, хотын дарга нарынх бүр олон байгаа. Хэн хэнд, хэзээ, хаана, ямар хэмжээний газар олгосон тухай 20 жилийн баримтыг ил болгож байна гэсэн юм.