Х.Нямбаатар: БНСУ-ын авлигатай тэмцэх арга барилыг нэвтрүүлж, хамтарч ажиллана

Авлигын эсрэг авч хэрэгжүүлж буй ажлын талаар ХЗДХ-ийн сайд Х.Нямбаатар мэдээлэл өглөө. 

Тэрбээр "Авлигатай тэмцэж чадсан улс орны эдийн засаг эрүүлжилж, өсдөг. БНСУ эрчимтэй хөгжиж байгаагийн гол нууц нь бизнесийн орчноо эрүүлжүүлж чадсантай холбоотой учраас тус улс “Транспэрэнси Интэрнэшнл"  байгууллагаас гаргадаг авлигын төсөөллийн индексээрээ дээгүүрт орж байна.

Авлигын төсөөллийн индексийг бууруулах ажлын хэсгийг ахалж байгаагийн хувьд энэ жилийн бидний  төлөвлөгөөнд байгаа гол ажлын нэг нь дэлхийн хэмжээний эрдэмтдээс зөвлөгөө авах, авлигад өртөх эрсдэлтэй нийтийн албан тушаалтнуудад лекц уншиж, тэдний хандлагыг өөрчлөхөөр ажиллаж байна.   “Транспэрэнси Интэрнэшнл"  байгууллагаас гаргадаг авлигын төсөөллийн индексийг 13  үзүүлэлтээр шалгадаг. Зөвхөн нэг шалгуурыг нь хангахын тулд манайд 49 зөвлөмж өгсөн. Эдгээр зөвлөмжүүд дээр төр засгийн бодлого хэрхэн хэрэгжиж байгаагаас шалтгаалж, индекс гардаг".