Т.Өсөх-Ирээдүй: АТГ бөхчүүдээс уучлалт гуйгаарай

 "Шүгэл" ажиллагааны ажлын хэсгээс "Допинг ба спортын авлига" сэдвээр хэлэлцүүлэг зохион байгууллаа.

Энэ үеэр Улсын харцага Т.Өсөх-Ирээдүй:

"Нийгэмд үл ойлголцол үүсгэж маргаан мэтгэлцээн, хардлагыг АТГ бий болгосон. АТГ-аас 38 бөх допин хэрэглэсэн гэж мэдээлэл хийчихээд хариу тайлбар юу ч өгөөгүй.  Үнэхээр үнэн бол хэн, хэн байсан юм бэ, ил тод болго. Хэрэв байгаагүй бол залруулга хийж уучлалт гуй. Энэ мэдээллээс болж гудамжид зүгээр явж байгаа барилддаг залуус хүртэл допинг хэрэглэдэг мэтээр хардагдаж байна. Хоёр жилийн өмнө би энэ талаар ярьсан, болохгүй бол шүүхэд хандья. Би өнөөдөр л Спортын допингийн арбитрын байгууллагатай гэдгээ мэдлээ. Тодорхой мэдээлэл авлаа. Хуульч бөхчүүд маш их байдаг. 

Допингийн шинжилгээ өгөх үеэр бидэнд ямар ч мэдээлэл өгдөггүй. "Ингэнэ, тэгнэ шүү" гэж зааварчлагаа л хэлдэг. Өмнө нь дараа нь яах уу, эрх, үүргээ ч мэддэгүй, өгдөггүй.  

Өнгөрсөн онд МҮБХ нэр бүхий бөхөд өршөөл үзүүлсэн. Арга хэмжээ нь авагдаж байсан хүмүүст өршөөл үзүүлсэн. Яагаад өршөөл үзүүлснээ хэлээд өгөөч.  Тэр өршөөгдсөн хүмүүст унасан олон залуус спортын Арбитрын шүүхэд хандаарай. Надтай бүгд уулзсан" гэлээ.