А.Анар-Эрдэнэ: Уран бүтээлчдийн цалинг нэмэхгүй бол наадмын концертод бүгд оролцохгүй

Хагас сарын цалин 366 мянган төгрөг авсан дуурийн дуулаач урлагийнхныг ажил хаяхад уриалсан тухай мэдээллийг бид хүргэсэн.

Тэрбээр өөрийн цахим хуудастаа "Миний Мөрөөдөл Солонгос улсад очиж ХАР АЖИЛ хийх. Би СУИС-ыг Дуурийн дуулаач мэргэжлээр 2009 онд ОНЦ дүнтэй төгсөж одоог хүртэл Улсын Дуурь Бүжгийн Эрдмийн Театрт 14 дэх жилдээ Найрал дуучнаар ажиллаж байна. Анх театрт ороод цалин бага санагдсан ч Сонгодог урлагт хайртай мэргэжилдээ дуртай болохоор бүх зүйл сайхан болно доо гэж зүтгэсээр нэгэнт он цагийг ардаа орхижээ. Манай урлагийнхан мэргэжилдээ үнэнч маш их тэвчээртэй хүмүүс байдаг. Улс орны бүхий л баяр ёслол, найр наадам,Төрийн концертонд оролцдог.

Гэвч үнэндээ цаашид энэ салбартаа ингээд чимээгүй ажиллаж амь зууж явж чадахгүй нь ээ. Тэсвэр тэвчээр маань үнэхээр барагдлаа.

Монгол улсад байгаа Соёл урлагийн бүх ажилтан алба хаагчдыгаа уриалж байна, Бүгд ажил хаяцгаая, Нэг ч тоглолт баяр наадамд оролцохгүй байцгаая" гэсэн юм.