"Солонгост амь насаа алдсан ахын минь хэрэгт ЭСЯ-ныхан холбоотой"

БНСУ-д гэрээт ажилтнаар ажиллаж байхдаа учир битүүлгээр амь насаа алдсан Монгол Улсын иргэний ар гэрийнхэн удаа дараа хаагдаж байгаа хэргийн талаар олон нийтэд мэдээлэл өглөө. 

Ар гэрийн зүгээс "Миний ахын амь насаа алдсан шалтгааныг гадны нөлөөгүй хэмээн хэргийг удаа дараа хааж ирлээ. Ахын минь цогцсыг 20 хоног гэрт нь ялзартал байлгасан байдаг. Ах минь хүлэмжийн үйлдвэрт ажилладаг байсан. Цалингаа нэхэхээр толгой руу нь сөжүний шилээр цохьдог, дарамталдаг. Шүүх шинжилгээний дүгнэлтээр хоолойн сэртэнгийн яс нь хугарсан гэж гарсан. Гэтэл үүнийг ялзралтын улмаас болсон гэсэн байдаг. Гэтэл уг яс хүнийг боомилох үед хугардаг юм билээ. Бид удаа дараа гадаад хэргийн яаманд хэргийг үнэн зөвөөр олж тогтоохыг хүсэхэд БНСУ дахь манай улсын элчин нь Солонгос талд ажилладаг юм билээ. Ажил хийлгэхгүй байна гээд цагдаа дуудаад өдөржин гавлуулаад байлгачихдаг. Биднийг очтол шинжилгээ битгий хийлгээч гэж хүсэхэд хийчихсэн байсан. Бидэнд цогцсыг таниулаагүй. Гэтэл эгчид минь цогцсыг таниулаагүй байж албан бичигт таниулсэн гэж гарын үсэг зуруулсан байдаг. 

Миний ээж хүнийхээ амийг нэхээд очсон байхад гавлаад, баривчилхаад байж байна. Хэрэг маш ээдрээтэй байдаг. Камер байгаа атал камерийн бичлэг байхгүй гэж мэдүүлсэн байдаг. Бидэнтэй зургаадугаар сарын 9-нөөс хойш холбоо бариагүй байтал 14-ний өдөр дэлгүүрээс Сөжү авсан гэж мэдүүлсэн байдаг. Энэ хэрэгт Элчин сайдын яаманд ажилладаг н.Оюун-Эрдэнэ гэж залуу 100 хувь холбоотой" гэв.