АТГ-аас Т.Аюурсайхан, Б.Ганхуяг нарын хэргийг шүүхэд шилжүүлэх саналтай Прокурорт хүргүүлжээ

Нүүрсний хулгайн хэрэгт холбогдсон Улсын Их Хурлын гишүүн Т.Аюурсайхан,  "Эрдэнэс Тавантолгой” ХК-ийн Гүйцэтгэх захирал Б.Ганхуяг нарын хэргийг  АТГ-аас   шүүхэд шилжүүлэх саналтай Прокурорын байгууллагад шилжүүлжээ.

Тодруулбал Т.Аюурсайхан нь Авлигын эсрэг хуулийн 4 дүгээр зүйлийн 4.1.1-д хамаарах нийтийн албан тушаалтнаар ажиллаж байхдаа эрх мэдэл, албан тушаалын байдлаа урвуулан ашиглаж өөртөө, бусдад давуу байдал бий болгосон байж болзошгүй, мөн үндэслэлгүйгээр хөрөнгөжсөн, мөнгө угаасан гэх хэрэг   "Эрдэнэс Тавантолгой” ХК-ийн Гүйцэтгэх захирал Б.Ганхуяг удирдах албан тушаалтнаар ажиллаж байхдаа албан тушаалын байдлаа урвуулан ашигласан гэх хэргүүдийг Прокурорын байгууллагад тус тус шилжүүлсэн байна.