Аэро Монголиа ХХК: Цуцлагдсан нислэгүүдэд тийз авсан зорчигчдыг бусад агаарын тээврийн компанийн нислэгт шилжүүлсэн

Аэро Монголиа компанийн агаарын хөлгийн Улаанбаатар-Нарита-Улаанбаатар чиглэлийн нислэг гэнэт цуцлагдсан тухайгаа Япон улсын иргэн твиттер хуудастаа жиргэсэн.

Нислэг ийнхүү гэнэт цуцлагдсан уг асуудал нь олон нийтийн шүүмжлэлийг цахим орчинд дагуулаад байна. 

Өнөөдөр "Аэро Монголиа" ХХК фэйсбүүк дэх албан ёсны цахим хуудсаараа дамжуулан нислэг цуцлагдсантай холбоотой мэдээлэл гаргасан байна. 

Тус мэдээлэлд "Аэро Монголиа" ХХК-ийн Airbus A319 агаарын хөлөг 2023 оны тавдугаар сарын 3-12-ны өдрийн хооронд C хэлбэрийн агаарын хөлгийн төлөвлөгөөт үйлчилгээнд орж зарим олон улсын чиглэлийн нислэгүүд цуцлагдаж байгаад зорчигч та бүхнээсээ уучлал хүсэж байна. Бид бүхэн цуцлагдсан нислэгүүдэд тийз худалдан авсан зорчигч нарыг бусад агаарын тээврийн компанийн нислэгт шилжүүлэх арга хэмжээг зохион байгуулж байна.

Зөвхөн тавдугаар сарын 5, 7, 9, 12-ны өдрүүдийн Улаанбаатар-Нарита-Улаанбаатар чиглэлийн нислэг цуцлагдсан. Тус нислэгт тийз худалдан авсан зорчигч нарыг бусад агаарын тээврийн компанийн нислэгт шилжүүлсэн" гэжээ. 

Тус компанитай холбогдож чадаагүй зорчигч нар [email protected] хаяг руу хандах боломжтой юм байна.