Хүүхдийн төлөө сан 2021-2023 оны хооронд 11 тэрбум төгрөг хуримтлуулжээ

 Өнөөдөр ХНХЯ-ны хоёр тусгай сан, Улсын автозамын сан, Соёл урлагийг дэмжих сангийн мэдээллийг shilen.gov.mn сайтад нээлттэй байршуулжээ. Энэ талаар Цахим хөгжил, харилцаа холбооны сайд Н.Учрал  ээлжит мэдээллээ өнөөдөр /2023.05.08/ хийлээ.

 Нийгмийн халамжийн сан нь 2008 оноос хойш 7.5 их наяд төгрөгийг давхардсан тоогоор 21.6 сая иргэнд халамжийн 14 төрлөөр зарцуулсан байна. 2022 оны жилийн эцсийн байдлаар 515.6 тэрбум төгрөгийг 1.3 сая иргэнд олгожээ. Халамжийн сангийн зарцуулалтын 14 төрлөөс хөгжлийн бэрхшээлтэй иргэнд үзүүлсэн тусламж, ахмад настанд үзүүлсэн тусламж, олон нийтийн оролцоонд түшиглэсэн халамжийн үйлчилгээнд үзүүлдэг 967 хуулийн этгээдийн санхүүжилтийг ил болгов.

 Хүүхдийн төлөө сан 2021-2023 оны хооронд 11 тэрбум төгрөгийг

 1.Хандив тусламж

2.Тээврийн хэрэгслийн улсын дугаар борлуулсны орлого

3. Хүүхдэд зориулсан бүтээн байгуулалтыг дэмжсэн соёл урлаг, спортын тоглолтын орлого

4.Бусад гэсэн дөрвөн төрлөөр хуримтлуулсан байна.

Үүнээс 106.7 сая төгрөгийг нийт 45 хүүхдэд хоёр төрлөөр зарцуулжээ.